ನನಗಾಗಿ...

ಕಣ್ಣಲ್ಲಿ ಮಿಂಚುವ ಹೊಳಪಾಗಿ
ತುಟಿಯಲ್ಲಿ ಹಂಚುವ ಸ್ಮಿತವಾಗಿ
ಮನದಲ್ಲಿ ಅರಳುವ ಹುರುಪಾಗಿ
ಬಾ ನೀನು ನನ್ನ ನೆನಪಲಿ ಹಿತವಾಗಿ...

ತಂಪು ಗಾಳಿಯಲಿ ಪರಿಮಳವಾಗಿ
ಇಂಪು ನೀಡುವ ಮಧುರ ಸ್ವರವಾಗಿ
ಜೀವಕೆ ಕಳೆ  ನೀಡೋ ಜಲವಾಗಿ
ಬಾ ನೀನು ಈ ಹೃದಯಕೆ ವರವಾಗಿ...

ಮುಂಜಾನೆಯ ಮಧುರ ಕಲರವವಾಗಿ
ಕಾಮನಬಿಲ್ಲಲಿರುವ ರವಿಕಿರಣವಾಗಿ
ಉತ್ತೇಜಿಸುವ ಆತ್ಮ ಗೌರವವಾಗಿ
ಬಾ ನೀನು ನನ್ನ ಬಾಳ ಪಲ್ಲವಿಗೆ ಚರಣವಾಗಿ...

ಇಂಪಾದ ಕಾಲ್ಗೆಜ್ಜೆಯ ನಾದವಾಗಿ
ಹರ್ಷ ತರುವ ಮಧುರ ಶ್ರುತಿಯಾಗಿ
ಮನದ ಚೈತನ್ಯವನೇರಿಸುವ ಅಂದವಾಗಿ
ಬಾ ನೀನು ನನ್ನೆಡೆಗೆ ಅಮಿತ ಪ್ರೀತಿಯಾಗಿ...