ಪ್ರೇಮದ ಬಲಿ

ಮಾರಿಗುಡಿಯೊಳಗೆ
ಕುರಿಯ ಬಲಿಕೊಡುವಂತೆ
ಬಲಿಯಾಗಿಸಿದೆಯಾ ನೀ ಎನ್ನ
ನಾನಾರಾಧಿಸಿದ ಪ್ರಿಯತಮನೇ???

ಮನಸಾರೆ ಪ್ರೀತಿಸಿದ ನನ್ನ
ತಿರಸ್ಕಾರ ಮಾಡುವಂತೆ
ಧನಕನಕವ ಬೆಂಬಿಡಿದು
ನೀನು ಓಡಿದೆಯಾ ಪ್ರಿಯಕರನೇ???

ಪ್ರೀತಿಯಲಿ ನೀಡಿದ್ದ ಆ
ಮಾತುಗಳೆಲ್ಲಿ ಕಳೆದ್ಹೋಯ್ತು???
ಪ್ರೇಮದಲಿ ಕಳೆದಿದ್ದ ಆ
ಕ್ಷಣಗಳೆಲ್ಲಿ ಮರೆಯಾಯ್ತು???

ನಾ ನಿನಗೆ ಧಾರೆಯೆರೆದ ಆ
ನಿಸ್ವಾರ್ಥ ಪ್ರೇಮಕೆ ಬೆಲೆಯಿಲ್ಲದೆ ಹೋಯ್ತೇ???
ನಿನಗೆಂದು ಪರಿತಪಿಸಿದ ಆ
ಕ್ಷಣಕ್ಷಣದ ತುಡಿತಕ್ಕೂ ಗೌರವ ಸಿಗದೆ ಹೋಯ್ತೇ???