ನೋಡುನೋಡುತ್ತಿದ್ದಂತೆಯೇ
ಸಮಯ ಕಳೆದು ಹೋದಂತಿದೆ
ಮನದಾಸೆಗಳಿದ್ದಂತೆಯೇ
ಹೂತು ಮರೆಯಾದಂತೆನಿಸುತಿದೆ
ಪೂರೈಸುವ ತವಕವಿದ್ದರೂ
ಸಮಯದ ಅಂತರವಿದ್ದಂತಿದೆ.
ಮುನ್ನಡೆಯುವ ಛಲವಿದ್ದರೂ
ಅನುಗ್ರಹದ ಕೊರತೆಯಿದ್ದಂತಿದೆ
ಬಲ್ಲೆ ನಾ ಇದು ಏನೆಂಬುದ
ಆ ದೇವರ ಚೆಲ್ಲಾಟವೋ?
ಮುನ್ನುಗ್ಗುವ ಸಮಯದಾಟವೋ?
ಅಲ್ಲ ನನ್ನದೇ ಮನದೊದ್ದಾಟವೋ??
ಸಮಯವಿದ್ದರೂ ಸಮಯವಿರದಂತೆ
ಮನಸ್ಸಿದ್ದರೂ ಮಾರ್ಗವೇ ಇರದಂತೆ
ಛಲವಿದ್ದರೂ ಹಂಬಲವಿರದಂತೆ
ಯಾವ ಕಾರ್ಯವೂ ಕೈಗೂಡದಂತೆ
ಆಟವಾಡುತಿದೆ ನನ್ನೀ "ಸಮಯ"
