ಮಹಾನ್ "ಮಾತೆ"

ತನ್ನೊಳಗೆ ಜನಿಸಿರುವ ಆ ಜೀವಕೆ
ಅರ್ಪಿಸಿದಳವಳು ತನ್ನ ಜೀವನವನೇ
ತನ್ನದೇ ಈ ಕುಡಿಯೆಂಬ  ಭಾವಕೆ
ಆದರ್ಶವೆನಿಸಿ ಒಪ್ಪಿಸುವಳು ತನ್ನ ಮನವನೇ...

ಜಗವೇ ಎದುರಾದರೂ ತೊರೆಯಳಿವಳು
ಜಗವನೆದುರಿಸಿ ಆಸರೆಯೆನಿಸುವಳು
ತನ್ನ ಗುರುತಿಗೆ ಪ್ರತಿಯಾಗಿ ನಡೆಯಳಿವಳು
"ಮಾತೆ"ಯ  ಗೌರವಕೆ ತಕ್ಕಂತೆ ನೆಲೆಸುವಳು...


ತ್ಯಾಗದ ಹಿರಿಮೆಯನುದ್ಘೋಷಿಸುವಳಿವಳು
ಕಂದನಿಗಾಗಿ ತನ್ನ ಅಸ್ತಿತ್ವವನೇ ಅರ್ಪಿಸುವಳು
ಅತ್ಯುತ್ತಮವಾಗಿ ಮಗುವ ಪೋಷಿಸುವಳಿವಳು
ಸಂತತಿಗೆ ಉತ್ತಮತೆಯ ಶಿಖರವನೇ ಕಲ್ಪಿಸುವಳು...

ಸಹನೆ ಸಾಮರ್ಥ್ಯದ ಪ್ರತಿರೂಪವೇ ಇವಳು
ಎಲ್ಲರೂ ಇವಳನು "ಅಮ್ಮಾ" ಎಂದು ನಮಿಸುವರು
ಜಗದ ಸಕಲ ಜೀವರಾಶಿಗಳಿಗೂ ಮೂಲವೇ ಇವಳು
"ಅಮ್ಮಾ" ಎನ್ನುತಲೆಲ್ಲರೂ ಸಂತಸದಿಂ ನೆಲೆಸುವರು...