ಅಂತಹ ನೀನು...

ಸಪ್ತ ಜನ್ಮಗಳ ಸಂಬಂಧವೇನು?
ನನಗೆಂದೇ  ಬಂದಿಹೆ ನೀನು.
ನಿನ್ನ ಪ್ರೇಮಕೆ ಸೋತೆ ನಾನು
ನನ್ನಿಂದಲೇ ನನ್ನ ಅಪಹರಿಸಿದೆ ನೀನು.

ನನ್ನ ಬಾಳಿಗೆ ಬೆಳಕಾದೆ ನೀನು
ಸ್ವರ್ಗಸುಖದ ಕೊನೆಯ ಮೆಟ್ಟಿಲೇ ನೀನು
ನೀನೇ  ಆ ಸುಂದರ ಹೂವ ಕುಸುಮವೇನು?
ನಿನ್ನ ಇರುವಿಕೆಯೇ ನನಗೆ ಸವಿಜೇನು.

ಕೆಂಗುಲಾಬಿಯ ಮಾಧುರ್ಯವೇ ನೀನು
ಜೇನಹನಿಯ ರಸಸ್ವಾದವೇ ನೀನು
ಸಪ್ತಸ್ವರಗಳ ಇಂಪಾದ ಸಂಗೀತ ನೀನು
ಮೊದಲ ಮಳೆಹನಿಯ ತಂಪಿನ ಸ್ಪರ್ಶ ನೀನು.

ತಂಪು ಗಾಳಿಯ ರೋಮಾಂಚನ ನೀನು
ಮುಂಜಾವಿನ ಹಸಿರುಗರಿಕೆಯ ಸ್ಪರ್ಶ ನೀನು
ಸೂರ್ಯನ ಪ್ರಥಮ ಕಿರಣದ ಬೆಸುಗೆ ನೀನು
ನಿಶೆಯ ಕತ್ತಲಿಗೆ ಚಂದ್ರನ ಹೊಳಪು ನೀನು.

ನನ್ನ ಬಾಳಿನ ಸೌಂದರ್ಯದ ಮಿತಿ ನೀನು
ನನ್ನ ಹೃದಯದ ಪ್ರೀತಿಗೆ ಶಿಲ್ಪಿ ನೀನು.
ಸಪ್ತಜನ್ಮಗಳ ಸಂಬಂಧವೇ ಏನು ?
ನನ್ನ ಬಾಳ  ಬೆಳಕಾಗಿ ಬಂದೆ ನೀನು.