ನೀನು.... ನಿನ್ನವಳು ನಾನು...

All about a Woman's feelings on her "The One and the Only"...


ಮನಸಲಿ ಏಳುತಿಹ ಆ ಅಲೆಗಳು
ನೆನಪುಗಳ ಛಾಯೆ ತಳಮಳಗಳು
ನಿನ್ನ ಹೆಸರನೇ ಹೇಳುತಿದೆ ಈ ನನ್ನ ಉಸಿರು...

ನಿನ್ನ ಕಡೆಗೇ ಸಾಗುತಿಹ ಈ ದಾರಿಗಳು
ನಿನ್ನನೇ ಅರಸುತ ಮುಂದೋಡುವ ಹೆಜ್ಜೆಗಳು
ನಿನಗಾಗಿಯೇ ನನ್ನ ಮನದಲಿ ಆಸೆಗಳ ಚಿಗುರು...

ನಿನ್ನನೇ ಬಯಸುವ ಆ ಸಾವಿರಾರು ಆಸೆಗಳು
ನಿನ್ನ ಸಂತೋಷವನೇ ಬಯಸುವ ಈ ಭಾವಗಳು
ಹೃದಯದಿ ಕೊರೆದಂತೆ ಶಾಶ್ವತ ಬರಿ ನಿನ್ನದೇ ಹೆಸರು.

ಎದೆಯಲೇ ಗೌಪ್ಯವಾಗಿದೆ ಸುಂದರ ಸ್ವಪ್ನಗಳು
ಹೇಳಲಾರದೆ ಬಂಧಿಯಾಗಿದೆ ನನ್ನೀ ಮಾತುಗಳು
ಆ ಎಲ್ಲಾ  ಕನಸುಗಳಲಿ ಸಾಗುತಿದೆ ನಮ್ಮಯ ಪ್ರೀತಿ ತೇರು...

ಶಾಶ್ವತ ಪ್ರೀತಿಯ ನಿನ್ನ  ಸುಂದರ ಕನಸುಗಳು
ಜೊತೆಯಾಗಿರುವ ಕನಸುಗಳ ಮೀರಲಾಗದ ಆಳಗಳು
ಬೀಳದಿರಲಿ ಎಂದಿಗೂ ಇದರಲಿ ನಮ್ಮಿಬ್ಬರ ಕಣ್ಣೀರು...