ನನ್ನ ಬೆಲೆಯಿಷ್ಟೇ ಏನು!??

ಮಬ್ಬುಗತ್ತಲಲಿ ನಿನ್ನ ಮೊಗವ ಕಂಡು
ಖುಷಿಯಾಗಿ ಸಮೀಪಿಸಿದೆ ನಾನು
ನನ್ನ ಶತ್ರುವಿಗೂ ಕೀಳಾಗಿ ನೆನೆದು
ಝಾಡಿಸಿದೆಯಲ್ಲವೋ ನೀನು...

ಮನದಲ್ಲೆದ್ದ ನೂರೆಂಟು ಪ್ರಶ್ನೆಗಳು 

ಸಮಾಧಾನ ಸಿಗದೇ ಸೋತು 

ಕಂಗಳಲಿ ನದಿಯಂತೆ ಹರಿದು 

ನಿದ್ರೆಯಲಿ ಕರಗಿತಲ್ಲವೇ ನೋಡು... 

ಆ ನಿದಿರೆಯ ಮಡಿಲಲೂ ನಿನ್ನ

ಅಸಮಾಧಾನದ ಚರ್ಯೆಯು

ಬೆಂಬಿಡದಂತೆ ಕಾಡಿತಲ್ಲವೇ ನೋಡು

ಆ ನೋವಿಗೊಮ್ಮೆ ನೀ ಸ್ಪಂದಿಸಿ ನೋಡು...

ಮನದಾಳದಲಿ ಬರಿದೆ ನಿನ್ನ

ಮನಸಾರೆ ಬಯಸುತಿರೆ

ನಿನ್ನೆದೆಯಂಗಳದಿ ನನಗೆ

ಬೆಲೆಯೆಷ್ಟಿರುವುದ ತಿಳಿಸು....

"ಸಮಯ ಮೀರುವ ಮೊದಲು"....