ನನ್ನ ಆ ಒಂದು ಪುಟ್ಟ ಸ್ವಪ್ನ..

ಮನಸ್ಸು ಎಂಬುದೊಂದು ಇರುವ ಎಲ್ಲ ಜೀವಿಗಳೂ ಸ್ವಪ್ನ ಕಾಣುವುದು ಸಹಜ. ಹಾಗಿರುವಾಗ ನನ್ನ ಮನದಲ್ಲಿ ಮೂಡಿದ ಆ ಒಂದು ಸ್ವಪ್ನವು ಎಂಥ ಸ್ಥಿತಿಗಳನ್ನು ಕಾಣುತ್ತಿದೆ ಎನ್ನುವುದು ಈ ಕೆಳಗಿನ ಸಾಲುಗಳ ರೂಪ ತಳೆಯಿತು...

ಆ ಸ್ವಪ್ನ..

ಅವಿತಿದೆ ನನ್ನಲ್ಲೇ ಎಲ್ಲೋ..

ಭಾವನೆಗಳ ಗುಹೆಯೊಳಗೆ..

ಒಂದು ಸುಂದರವಾದ ಸ್ವಪ್ನ
ಸಾಕಾರವಾಗಲು ತಲ್ಲಣಿಸುತ.

ಆ ಸ್ವಪ್ನಕೆ ಸಾವಿರ ತಡೆಗಳು
ಹೊರಬರಲಾರದೆ ಚಡಪಡಿಸಿದೆ..
ಆ ಗುಹೆಯು ಬಲವಾಗುತಿರೆ,
ಸಾಕಾರಗೊಳಿಸುವ ಹಂಬಲ ಹೆಚ್ಚುತಿದೆ.

ಕಾಯುತಿದೆ ಮನವು "ಆ ದಿನವ"..
ಅಂದು ನನ್ನ ಸ್ವಪ್ನವು ನಿಜವಾಗಲಿದೆ.
ಜಗವ ಮೌನವಾಗಿಸಿ ಬರಲು
ನನ್ನ ಮನವು ಖುಷಿಯಾಗಲಿದೆ.

ಅವಿತಿರುವ ಸ್ವಪ್ನವು ಹೊರಬರಲು
ಮನದಾಸೆಯು ಪೂರ್ಣವಾಗಲು
ಜೀವನವು ಹೊಳೆಯುತಿರಲು
ಸೌಂದರ್ಯವು ಆವರಿಸುವುದು.

This is all about my Dream...I hope to see it come true in my lifetime..